నా తొలి విజయం

నేను స్వతహాగా తెలివైన వాడినో కాదో అంత ఖచ్చితంగా చెప్పలేను కానీ,ఈ incedent ని బట్టి ఆ విషయం కొంత వరకు అర్ధమవుతుంది.మొదట్నుండి నేను convent చదువులు చదవలేదు.5 వరకు దుంపల బడిలో (అలాంటి school ని అలానే అంటారని మా మాష్టారు చెప్పారు) చదివాను.అక్కడ మనమే class లీడర్,top student.అలా... 5 సంవత్సరాలూ నేనే class first.తర్వాత మునిసిపల్ school లో పడేసారు నన్ను.నాన్నగారు అక్కడే school assistant గా పనిచేస్తుండటంతో ఏ చిన్న వెధవ పని చేసినా మిగతా టీచర్లు చెప్పేసేవారు.unit test marks కూడా నా కంటే ముందే తెలుసుకుని ఇంటికొచ్చాక special classlu.  కానీ పరీక్షల్లో మాత్రం ఎక్కడనుండి వస్తుందో తెలియదు కానీ సర్వం తెలిసిన వాడిలా  రాసేస్తా.అలా ఏదో ముక్కుతూ మూలుగుతూ 6,7,8,9 th classes పూర్తి చేసేసా.(నిస్సందేహంగా నేనే classfirst అనుకోండీ...)
      ఇక మిగిలింది ఆఖరి మజిలి,నా పదవ తరగతి.నాకు ముందు నుండి బద్ధకం జాస్తి.అలా కష్టపడి చదవటానికి కష్టపడే నేను పరీక్ష ముందు రోజు మాత్రం కిందా పైనా పడీ పడీ చదివి ఎలాగోలా గట్టేక్కేస్తా(మంచి మార్కులతోనే).ఇక్కడే నేను అందరికీ దొరికాను.10th లో మా class లోని ఒక వర్గం నా మీద కత్తి గట్టారు.ఇక నేను చేసే ప్రతీ పనికీ వారినుండి విమర్శలు.అందులో నేను ఎదుర్కొన్న పెద్ద విమర్శ మా నాన్నగారు ఆ school లో teacher అయినందువల్లే నాకు class first లు వస్తున్నాయని.దానికి తోడు అప్పుడు నా చదువూ అలాగే ఏడ్చింది.ఇక వారన్న మాటల్ని ఎంత కొట్టిపారేద్దామన్నా మనసులో చిన్న సందేహం ఒకవేళ నేను ఇపుడు school first రాకపోతే వారంతా అన్న మాటల్ని నిజం చేసిన వాడిని అవుతాను.కాబట్టి చదవాలి,కానీ మన బద్ధకం కాస్త అడ్డుపడుతోంది...అయినా ఎలాగోలా కొంచం గట్టిగానే చదివా.కానీ కొందరు ఏక సంతాగ్రాహులు ఉన్నారు నా ప్రాణానికి.వీటన్నిటికీ తోడు నా అద్భుతమైన చేతి వ్రాత.నిజం చెప్పొద్దూ....కోడి కెలికినట్టు అంటారే అంత కన్నా అద్భుతం మన చేతి వ్రాత.మొత్తానికి పరీక్షలయితే రాసేసా కానీ tension మాత్రం అలానే ఉంది.......
           ఎప్పుడెప్పుడా అని ఎదురు చూస్తున్న ఆ రోజు రానే వచ్చింది.Results....అందరూ ఆనందంగా first class అని చెప్పుకుంటున్నారు.నాకు మాత్రం నా number కనిపించలేదు.బాధగా ఒక మూల నిల్చున్నా....ఇంతలో వచ్చాడు మా నరేష్ గాడు,ఒరేయ్ నీకు కూడా first class అనుకుంటూ....వెళ్లి మళ్లీ చూసా.కనపడదేం.గట్టిగా కళ్ళు తుడుచుకుని మళ్ళీ చూసా...Yes,అది నా నంబరే.ఇంకో 4 రోజుల్లో మార్కులు కుడా వచ్చేసాయి.నేను భయపడినట్టుగా ఏమీ జరగలేదు. ఏక సంతాగ్రాహులకి ,అద్భుతమైన చేతివ్రాత గల వారికి,ముఖ్యంగా నా వ్యతిరేక వర్గం వారికి సమాధానంగా నేనే school first.నాకు వచ్చిన మార్కులు అంత గొప్పవేం కాదు.కానీ...ఏమీ లేని చోట గడ్డి కుడా మహా వృక్షమే అనీ.......ఇది నా తొలి విజయం.
కొసమెరుపు::ముందు నుండి వాడికి class first వస్తుంది,వీడికి వస్తుంది.నువ్వు వెధవ్వి అన్న నాన్నగారు మాత్రం నీకు చదవాలనే తపన పెరగాల్నే అలా అన్నా.నీకు వస్తుందని నాకు ముందే తెలుసు అనటం.పెద్దవాళ్ళు  ఎలా అన్నా మాట మార్చేస్తారు కదా......